ဓာတ်မတည့်ခြင်းနှင့် အကြားအာရုံချို့ယွင်းမှု

ဓာတ်မတည့်ခြင်းက နားအကြားအာရုံ ခဏတာ ဆုံးရှုံးမှုကို ဖြစ်စေပါတယ် ။ ကျွန်တော်တို့ ခန္ဓာကိုယ်ထဲမှာ ဓာတ်မတည့်ခြင်းဖြစ်ပေါ်လာတဲ့အခါမှာ နှာချေခြင်း၊ ယားယံခြင်း၊ ဖောခြင်း၊ ချွဲတွေပုံမှန်ထက်ပိုထွက်ခြင်း စတာတွေခန္ဓာကိုယ်မှာ ဖြစ်ပေါ်လာပါတယ်။ ကျွန်တော်တို့ရဲ့ အကြားအာရုံဖြစ်တဲ့ နားအတွင်းမှာလည်း ထိုနည်းလည်းကောင်းပင်ဖြစ်ပေါ်လာပါတယ်။ ဒါကြောင့် နားအတွင်းမှာ အသံလှိုင်းတွေ ဝင်မလာနိုင်တဲ့ ပိတ်စို့ခြင်းကိုဖြစ်ပေါ်စေပြီး Temporary conductive hearing loss လို့ခေါ်တဲ့ ခဏတာ အကြားအာရုံဆုံးရှုံးခြင်းကို ဖြစ်ပေါ် စေတာဖြစ်ပါတယ်။ Conductive Hearing Loss က ကုသလို့ရတဲ့ အကြားအာရုံဆုံးရှုံမှု ဖြစ်တဲ့အတွက် စိတ်ပူစရာမလိုဘဲ သက်ဆိုင်ရာဆရာဝန်နှင့်တိုင်ပင်ပြီး ကုသလို့ရပါတယ်။

ဓာတ်မတည့်ခြင်းကြောင့်အကြားအာရုံထိခိုက်ထားပါက ဘာတွေရှောင်ရမလဲ?

သင့်ရဲ့နားအတွင်းကို လက်ဖြင့်ကုတ်ခြင်း၊ နားဖာကလော်တံ၊ ပင်အပ်၊ နားဖာကြပ်တံ တွေဖြင့် ကလော်ခြင်း စတာတွေကိုရှောင်ကြဉ်သင့်ပါတယ်။ အဲ့ဒါတွေအစား သင့်ရဲ့နားကို ရေ​နွေးဝတ်စိုစိုဖြင့် ညင်ညင်သာသာ သန့်စင်ပေးသင့်ပါတယ်။

ဓာတ်မတည့်ခြင်းကြောင့်ကျွန်တော်တို့နားအတွင်း နေရာ(၃) ခုကို ထိခိုက်နိုင်ပါတယ်။

(၁) အပြင်နား( ဓာတ်မတည့်ခြင်းက နားအပြင်ဘက်နှင့် နားလမ်းကြောင်းကို ယားယံ ၊ ယောင်ယမ်းစေပါတယ်။)
(၂) အလယ်နား( ဓာတ်မတည့်ခြင်းမှစ၍ ဘတ်တီးရီးယားများပေါက်ပွါးလာပြီး နားပြည်ယိုခြင်း၊ မူးဝေခြင်းအထိပါ ဖြစ်နိုင်ပါတယ်။)
(၃) အတွင်းနား (ပုံမှန်လူဆို ဘာသက်ရောက်မှုမှ မရှိနိုင်ပေမဲ့ Meniere’s Disease ရှိတဲ့သူဆိုရင်တော့ အကြားအာရုံထိခိုက်နိုင်ပါတယ်။)

Allergen နှင့် နားကြားကိရိယာ

Allergens လို့ခေါ်တဲ့ အမှုန်တွေက နားကြားကိရိယာထဲတွင် ပိတ်စို့နေနိုင်ပါတယ်။ ဒါကြောင့် ပုံမှန်လေးမိမိရဲ့ နားကြားကိရိယာကို သန့်စင်ပေးခြင်းဖြင့် မဖြစ်အောင်ကာကွယ်နိုင်ပါတယ်။